- Lyrics
- Album list
- Singer Intro
方瑞娥
-
女性的復仇
演唱:文英
(唱)明知伊是薄情君 一瞑想伊到天光 恨伊將阮來放斷 天光想伊到瞑方 啊~愛情過了 煞來變成恨
(男)麗蘭,實在對你真不住!我下暗無甲你來離別是未用呢。 (女)啊?欲甲我來離開?文成,這是怎樣講咧? (男)唉...這也是不得已。事已經迫在眼前。 因為我故鄉的老父欲強逼我倒轉去。我... (女)什麼?文成!這是怎樣講? 你講的話,我全然未分明... (男)啊...這款的話我是真無愛對你講。 麗蘭,妳得愛來赦免我!我已經是...是有某子的人... (女)什麼?你已經是有某子的人!啊!這...這甘不是眠夢哩?
(唱)明知愛情是神聖 當初不願來犧牲 甜言蜜語假真情 阮才為伊變不幸 啊~這款惡魔 絕對會報應
(男)麗蘭,咱已經離開了三年囉... 今仔日我來這個酒場,是專工來找妳。 請妳一切來赦免我!因為我事業來失敗,某子煞來死... (女)哼!你也擱有彼個面通來見我?! 我的一生為你這個惡魔來破壞, 在這三年來我不知樣受了外多的苦楚, 而且不知樣有外多的男性被我來受克虧。 今仔日我來這個酒場做著煙花女,雖然是為著生活, 不過,我的希望是欲來替天下的女性來復仇的啦! 你沒必來要見我!請你無通來延前著我的時間!! (男)ㄝ?麗蘭,請妳來赦免我! 妳會來變成這款完全是我的罪惡...麗蘭,請等咧! 麗蘭、麗蘭,請等咧!麗蘭,請等咧! 啊...妳去啊是無?
(唱)男性採花無想後 一旦採了沒回頭 日子經過三年後 阮才甲伊相會頭 啊~滿腹仇恨 今日一齊透
------------------------------------------
《女性的復仇》Lú-sìng ê Ho̍k-siû 方瑞娥Png Suī-ngôo
女) 明知伊是薄情君 bîng-tsai i sī po̍k-tsîng kun 一暝想伊到天光 tsi̍t-mî siūnn i kàu thinn-kng 恨伊將阮來放斷 hūn i tsiong gún lâi pàng-tn̄g 天光想伊到暝昏 thinn-kng siūnn i kàu mî-hng 啊~愛情過了 ah~ ài-tsîng kuè-liáu 煞來變成恨 suah lâi piàn-sîng hūn
↓↓(口白)---(口白)---(口白)↓↓ 男) 麗蘭實在對你真不住 Lê-lân, si̍t-tsāi tuì lí tsin put-tsū 我盈暗無佮你來離別 guá îng-àm bô kah lí lâi lī-pia̍t 是袂用得 sī buē-īng-tit 女) 啊!欲佮我來離開 ah! bueh kah guá-lâi lī-khui 文成這是怎樣講咧 Bûn-sîng, tse sī tsánn-iūnn kóng--leh
男) 唉~這也是不得已 haih~ tse iā-sī put-tik-í 事已經迫在眼前 sū í-king pik tsāi gán-tsîng 因為我故鄉的老爸 in-uī guá kòo-hiong ê lāu-pē 欲強逼我倒轉去我 beh kiông-pik guá tò-tńg--khì, guá...
女) 啥物 siánn-mih 文成這是怎樣講 Bûn-sîng, tse sī tsánn-iūnn kóng 你講的話 lí kóng ê uē 我全然袂分明 guá tsuân-jiân buē hun-bîng 男) 啊!這款的話 ah! tsit khuán ê uē 我是真無愛對你講 guá sī tsin bô- ài tuì lí kóng 麗蘭你著愛來赦免我 Lê-lân, lí tio̍h-ài lâi sià-bián guá 我已經是是有某囝的人 guá í-king sī, sī ū bóo-kiánn ê lâng
女) Find more lyrics at ※ Mojim.com 啥物 siánn-mih 你已經是有某囝的人 lí í-king sī ū bóo-kiánn ê lâng 啊!這這敢毋是眠夢咧 ah! tse tse kám m̄-sī bîn-bāng--leh ↑↑(口白)---(口白)---(口白)↑↑
女) 明知愛情是神聖 bîng-tsai ài-tsîng sī sîn-sìng 當初毋願來犧牲 tong-tshue m̄-guān lâi hi-sing 甜言蜜語假真情 tinn-giân-bi̍t-gí ké tsin-tsîng 阮才為伊變不幸 gún tsiah uī i piàn put-hīng 啊~這款惡魔 ah~ tsit khuán ok-môo 絕對會報應 tsua̍t-tuì ē pò-ìng
↓↓(口白)---(口白)---(口白)↓↓ 男) 麗蘭 Lê-lân 咱已經離開了三年囉 lán í-king lī-khui liáu sann-nî--looh 今仔日我來這個酒場 kin-á-ji̍t guá-lâi tsit ê tsiú-tiûnn 是專工來揣你 sī tsuan-kang lâi tshē lí 請你一切來赦免我 tshiánn lí it-tshè lâi sià-bián guá 因為我事業來失敗 in-uī guá sū-gia̍p lâi sit-pāi 某囝煞來死 bóo-kiánn suah lâi sí 女) 哼!你猶閣有彼個面 hngh! lí iáu-koh ū hit ê bīn 通來見我 thang lâi kìnn guá 我的一生 guá ê it-sing 為你這個惡魔來破壞 uî lí tsit ê ok-môo lâi phò-huāi 在這三年來 tsāi tsit sann-nî lâi 我毋知影受了偌濟的苦楚 guá m̄ tsai-iánn siū liáu guā-tsuē ê khóo-tshóo 而且毋知影有偌濟的男性 jî-tshiánn m̄ tsai-iánn ū guā-tsuē ê lâm-sìng 被我來受克虧 pī guá lâi siū khik-khui 今仔日我來這個酒場 kin-á-ji̍t guá lâi tsit ê tsiú-tiûnn 做著煙花女 tsuè tio̍h ian-hua-lí 雖然是為著生活 sui-jiân sī uī-tio̍h sing-ua̍h 不過我的希望 put-kò, guá ê hi-bāng 是欲來替天下的女性 sī bueh lâi thè thian-hā ê lú-sìng 來復仇的啦 lâi ho̍k-siû ê--lah 你無必要來見我 lí bô pit-iàu lâi kìnn guá 請你毋通來延延著我的時間 tshiánn lí m̄-thang lâi iân-tshiân tio̍h guá ê sî-kan
男) 欸!麗蘭 eh! Lê-lân 請你來赦免我 tshiánn lí lâi sià-bián guá 你會來變成這款 lí ē lâi piàn-sîng tsit khuán 完全是我的罪惡 uân-tsuân sī guá ê tsuē-ok 麗蘭請等咧 Lê-lân, tshiánn tán--leh 麗蘭麗蘭請等咧 Lê-lân Lê-lân, tshiánn tán--leh 麗蘭請等咧 Lê-lân, tshiánn tán--leh 啊!你去矣是毋 ah! lí khì--ah, sī m̄ ↑↑(口白)---(口白)---(口白)↑↑
女) 男性採花無想後 lâm-sìng tshái-hue bô siūnn āu 一旦採了無回頭 it-tàn tshái liáu bô huê-thâu 日子經過三年後 ji̍t-tsí king-kuè sann-nî āu 阮才佮伊相會頭 gún tsiah kah i sio huē-thâu 啊~滿腹仇恨 ah~ muá-pak siû-hūn 今日一齊敨 kim-ji̍t it-tsê tháu
- Special thanks to W.B. Chen for correcting the lyric.
- Related Links: W.B. Chen
|