- Album Intro
- Lyrics
- Album list
- Singer Intro
林俊逸
-
伴
Lyricist:林俊逸 Composer:林俊逸
夕陽為街路點胭脂 紅霞一下著滿滿規片天 家家戶戶暗頓 煮食的芳味 佇塗跤的背影 是我家己
看人悲傷歡喜 跋倒閣徛起 笑笑面對世間的稀微
一雙箸 一个人 一桌菜 一支喙 一頓飯 一个願 一世人 一个字
你的故事有我的心聲 我的歌聲有你的悲歡 三五分鐘 目屎笑容咱公家一半 一人一半 有伴著袂孤單
走唱到今毋知偌濟冬 我攑「麥克」 分擔你的心情
一條路 一段情 一片天 一支喙 一首歌 一段詩 一世人 一个字
一條路 一段情 一个家 咱鬥陣來扞 你的手 予我來牽 一世人 一个伴
感謝你做我的伴 聽我唱歌 聽我唱歌 聽我唱歌
------------------------------------------
21507/《伴》Phuānn 林俊逸Lîm Tsùn-i̍t
夕陽為街路 si̍k-iông uī ke-lōo 點胭脂 tiám ian-tsi 紅霞一下 âng-hê tsi̍t-ē 就滿滿規片天 tō muá-muá kui-phiàn thinn 家家戶戶暗頓 ke-ke-hōo-hōo àm-tǹg 煮食的芳味 tsú-tsia̍h ê phang-bī 佇塗跤的背影 tī thôo-kha ê puē-iánn 是我家己 sī guá ka-tī
看人悲傷歡喜 khuànn-lâng pi-siong huann-hí 跋倒閣徛起 pua̍h-tó koh khiā-khí 笑笑面對 tshiò-tshiò bīn-tuì 世間的稀微 sè-kan ê hi-bî
一雙箸 tsi̍t-siang tī 一个人 tsi̍t-ê lâng 一桌菜 tsi̍t-toh tshài 一支喙 tsi̍t-ki tshuì 一頓飯 tsi̍t-tǹg pn̄g 一个願 Find more lyrics at ※ Mojim.com tsi̍t-ê guān 一世人 tsi̍t-sì-lâng 一个字 tsi̍t-ê jī
你的故事 lí ê kòo-sū 有我的心聲 ū guá ê sim-siann 我的歌聲 guá ê kua-siann 有你的悲歡 ū lí ê pi-huan 三五分鐘 sann-gōo hun-tsing 目屎笑容 ba̍k-sái tshiò-iông 咱公家一半 lán kong-ke tsi̍t-puànn 一人一半 tsi̍t-lâng tsi̍t-puànn 有伴就袂孤單 ū phuānn tiō bē koo-tuann
走唱到今 tsáu-tshiùnn kah-tann 毋知偌濟冬 m̄-tsai guā-tsuē tang 我攑mài-kuh guá gia̍h mài-kuh 分擔你的心情 hun-tam lí ê sim-tsîng
一條路 tsi̍t-tiâu lōo 一段情 tsi̍t-tuānn tsîng 一片天 tsi̍t-phiàn thinn 一支喙 tsi̍t-ki tshuì 一首歌 tsi̍t-siú kua 一段詩 tsi̍t-tuānn si 一世人 tsi̍t-sì-lâng 一个字 tsi̍t-ê jī
一條路 tsi̍t-tiâu lōo 一段情 tsi̍t-tuānn tsîng 一个家 tsi̍t-ê ke 咱鬥陣來扞 lán tàu-tīn lâi huānn 你的手 lí ê tshiú 予我來牽 hōo guá lâi khan 一世人 tsi̍t-sì-lâng 一个伴 tsi̍t-ê phuānn
感謝你做我的伴 kám-siā lí tsò guá ê phuānn 聽我唱歌 thiann guá tshiùnn-kua 聽我唱歌 thiann guá tshiùnn-kua 聽我唱歌 thiann guá tshiùnn-kua
- Special thanks to W.B. Chen for correcting the lyric.
- Related Links: W.B. Chen
|