- Album Intro
- Lyrics
- Album list
- Singer Intro
青虫 aoi
-
儉錢安樂死
Lyricist:吉尼 Composer:吉尼
活踮這个世界 遐爾仔寂寞 規工荒荒廢廢四界賴賴趖 嘛毋是無想過一世人孤老 我若雄雄轉去 我彼隻貓仔欲如何 捘開手機仔 掰來掰去掰來掰去 揣無一个看著有較佮意 可能別人看我嘛毋是蓋美麗 猶毋過阮阿媽攏講我是䆀䆀仔媠
人生海海空手去又閣再空手來 人生海海毋好拍損時間佇咧嫌自己䆀 若是一个人就按呢活到死 向望有儉著錢會當安樂死 無車無厝無翁無某無囝無兒 嘛是愛過了 歡歡喜喜
人生海海空手去又閣再空手來 人生海海毋好拍損時間煩惱青春不再來 人生海海空手去又閣再空手來 人生海海毋好拍損時間佇咧流目屎
------------------------------------------
22240/《儉錢安樂死》Khiām-tsînn An-lo̍k-sí 青虫aoi
活踮這个世界 ua̍h tiàm tsit ê sè-kài 遐爾仔寂寞 hiah-nī-á tsi̍k-bo̍k 規工荒荒廢廢 kui-kang hng-hng-huì-huì 四界賴賴趖 sì-kè luā-luā-sô 嘛毋是無想過 mā m̄-sī bô siūnn kuè 一世人孤老 tsi̍t-sì-lâng koo-lāu 我若雄雄轉去 guá nā hiông-hiông tńg--khì 我彼隻貓仔欲如何 guá hit tsiah niau-á beh jû-hô
捘開手機仔 tsūn-khui tshiú-ki-á 掰來掰去 pué-lâi-pué-khì 掰來掰去 pué-lâi-pué-khì 揣無一个 tshuē-bô tsi̍t-ê 看落有較佮意 khuànn-lo̍h ū khah kah-ì 可能別人看我 khó-lîng pa̍t-lâng khuànn guá 嘛毋是蓋美麗 Find more lyrics at ※ Mojim.com mā m̄-sī kài bí-lē 猶毋過阮阿媽 iáu-m̄-koh gún a-má 攏講我是䆀䆀仔媠 lóng kóng guá sī bái-bái-á suí
人生海海 jîn-sing hái-hái 空手去 khang-tshiú khì 又閣再空手來 iū-koh tsài khang-tshiú lâi 人生海海 jîn-sing hái-hái 毋好拍損時間 m̄-hó phah-sńg sî-kan 佇咧嫌家己䆀 tī-leh hiâm ka-tī bái
若是一个人 nā-sī tsi̍t-ê-lâng 就按呢活到死 tsiū-án-ne ua̍h kàu sí 向望有儉著錢 ǹg-bāng ū khiām tio̍h tsînn 會當安樂死 ē-tàng an-lo̍k-sí 無車無厝 bô tshia bô tshù 無翁無某 bô ang bô bóo 無囝無兒 bô kiánn bô jî 嘛是愛過了歡歡喜喜 mā sī ài kuè-liáu huann-huann-hí-hí
人生海海 jîn-sing hái-hái 空手去 khang-tshiú khì 又閣再空手來 iū-koh tsài khang-tshiú lâi 人生海海 jîn-sing hái-hái 毋好拍損時間 m̄-hó phah-sńg sî-kan 煩惱青春不再來 huân-ló tshing-tshun put-tsài lâi
人生海海 jîn-sing hái-hái 空手去 khang-tshiú khì 又閣再空手來 iū-koh tsài khang-tshiú lâi 人生海海 jîn-sing hái-hái 毋好拍損時間 m̄-hó phah-sńg sî-kan 佇咧流目屎 tī-leh lâu ba̍k-sái
- Special thanks to W.B. Chen for correcting the lyric.
- Related Links: W.B. Chen
|